موقع تيليفونكا، موقع حيادي لابعد مما تتخيل مالناش اي مصلحة مع أي حد، وهمنا الوحيد هو حضرتك، وبندور بدالك على كل ما يخص اللي حضرتك بتبحث عنه وبنجيبه لحد عندك في شكل مبسط وصياغة في منتهى السهولة، علشان تقدر تبني وجهة نظرك بوضوح وبدون أي لبس أو حتى تردد
كمان تيليفونكا بيقدم لحضرتك استشارة تقنية مجانية في مجال الهواتف الذكية بدون اي مقابل يعنيتقدر تبعت لنا هنا على الموقع سؤالك أو حتى على صفحتنا على الفيس بوك وهتلاقي اهتمام فوري وردود سريعة بتجاوبك علشان تفيدك في الاستفسار اللي بتسأل عنه.
بلاش تخلي تيليفونكا اختيار متأخر بالنسبة لك لأننا بنجبلك الخلاصة في عدد سطور مش كتير علشان منضيعش وقتك ومش قليل علشان منختصرش عليك في معلومة انت محتاج تعرفها باستفاضة.
الفكرة اللي تيليفونكا قايم عليها وعلشانها هي فكرة انك تستفيد من غير تعقيد، يعني بنحاول نبسط لك كل حاجة بشكل يكون أقرب للي بتدور عليه، وخليك عارف ان احنا دايما في ضهرك ومصلحتك هي اول اهتماماتنا ورضاك مهمتنا.
ناس كتير ممكن تكون بتحاول تقدم المحتوى اللي احنا بنقدمه ولكن طريقتنا بفضل الله بتختلف وبتخلينا مميزين لأننا فعلاً هدفنا المنفعة ومش بنحاول نتفلسف لان الموضوع مش محتاج اكتر من مصداقية في نقل التجربة .
خليك مع تيليفونكا واسأل بقلب جامد وهتلاقي رد مفيد وسريع يغنيك عن البحث والدوخة على المواقع اللي بتفضل تمط في الكلام وتسحب سطر ورا التاني علشان تخليك موجود في الصفحة اطول وقت ممكن ،مع انها تقدر تقولك الزتونة من غير لف ودوران.
مع تيليفونكا هتحس انك فعلاً في وسط اخواتك واصدقاءك لاننا فعلا يهمنا مصلحتك، ومش بنجامل اي حد على حسابك أبدا، وملناش أي تعامل مع أي شركة بتنتج او بتبيع موبايلات
والفايدة الوحيدة اللي جاية بعد منوصل الفايدة ليك هي اعلانات Google Adsense ، فمتقلقش انت مع تيليفونكا هتكون واثق إنك في المكان الصح واللي بيتقال بيكون صح علشان احنا مش بنحب غير الصح وفي الصفحة دي احنا قولنالك الصح كله
ويا رب تكون مبسوط معانا.
أنا علي مدير موقع تيليفونكا
وكل أعضاء الإدارة بنتمنى لك وقت كويس في موقعك ” تيليفونكا ”